أغرب مشهد رأيته في حياتي عندما مررت لأجد أمامي محمد الطفل ذو الخمس أعوام يدخن سيجارة كالبالغين لأجد دخاناً كثيفاً يخفي وراءه براءه طفلالأغرب أن من أعطاه السيجارة خال له يعمل أمين شرطة ، حالة ذهول طويلة أصابتي لأقف صامتة ثم تمالكت نفسي ودار بينى وبينه هذا الحوار:
انت ليه بتشرب سيجارة ؟
خالو ..قالى انه بتاعة الرجالة وعشان ابقى راجل لازم اشربها
لكن السيجارة دي وحشة ؟
لأ دي حلوة قوي ،أنا حتى بكح لما أبطلها
توقفت لحالة ذهول أخرى وانا ارى محمد يشعل السيجارة أمامي بحرفية عالية
انت تعرف انها بتجيب امراض وحشة؟
لأ انا مبعياش منها وبعدين بابا بيشربها من زمان ومحصلوش حاجة
امتى اول مرة شربت منها ؟
كنت دايما بشوف بابا بيولعها وبعدين يرمي حتة صغيرة منها..كنت بخدها وولعها
وكان بيشوفك؟
مرة شافنى
وضربك؟
لأ مضربنيش
وماما فين ؟
ماما بتكون فى السوق او بتعملنا الاكل
وفشلت في محاولة اقناعه بما اريد ..ولكن مهما تحدثت معه ما الفائدة فهو ضحية ، لايعرف سوي ما تعلمة من أبيه وخاله مثله الأعلى..مش عارفه اقول ايه تاني.."اللي يعيش يا ما يشوووف
5 comments:
للاسف فى كتير بيفتكر ان الرجوله فى شرب السجائر
وكمان سوء التربيه والفقر هما عامل اساسى للفهم الخاطىء
ادعوكى لزياره مدونتى
ديه مصيبه
والله العظيم كارثه
البلد الي متحترمش شعبها
يحصل فيها اكتر من كده
يا ساتر يا رب
تعرفى ان الصورة وكلامك اثروا فيا اووى لا حول ولا قوة ا بالله يعنى وصلنا لكدة دلوقت
بجد حاجة تقطع القلب ويخلى الواحد حزين بس هنقول ايه ونعيد ايه خلاص كل حاجة بتتغير والمعايير والمبادئ بتتغير مبقاش الابن يخاف زى زمان انه يشرب قدام والده وخلاص بقى الولد بيشربها من وهوا صغير بس الجديد اللى شفته دلوقت يعنى 5 سنين وبيشرب ولسه على رايك اللى يعيش ياما يشوف :(
إرسال تعليق